بين الأصل والصورة ــ هتعيش النفس مستورة
حاجات صاحية مبتنامشي ... وحاجات لساها مكسورة
حاجات جوانا تتعذب ــ حاجات جوانا تتألم
حاجات منها نشوف الناس ـــ دموع عينها بتتكلم
******
حاجات ياما بنكسبها ــ حاجات أكتر بنخسرها
حاجات ياما نلاقي ألوف ــ وناس ياما بتختارها
بتختارها عشان بكره ــ بتختارها لدي الفكره
بأن الأصل مش دايم ــ هيجي اليوم يكون ذكرى
*******
ليه نفضل نعيش نخدع ــ و نتباهى ومين يسمع
ليه الفرحة تملانا ــ وعيوبنا جوانا بتوجع
على ايه نفضل في دي الدُنيا ـ مسيرها يوم تكون فانيه
لو كان الأمر بإيديها ــ ما كنت عشت لو ثانية
No comments:
Post a Comment