[ :: = !! بحبك كمان = :: ]

بحبك حبيبتي وليه العجب

لكل نتيجة أكيد فيه سبب

ولو انتي عارفه هقول فيكي ايه

بحُبك وعشقك قلبي إتغلب

*****

بحبك لأنك إنتي البدايه

نورك جمالك منور سمايا

نفسي حبيبتي تكوني معايا

لآخر الزمان

بحبك لكون قلبي حب فـ لُقاكي

حالف ويحلف ليفضل معاكي

نجم ضيه ساطع ينور سماكي

لأبعد مكان

بحبك هقولها وأنا قلبي شايف

لفرحة في عيونك ـ وهمسة شفايف

لكن حبيبتي ساعات ببأى خايف

ما القى الأمان

بحبك هقولها وانا بين إيديكي

ويزداد كسوفي وعيني في عنيكي

وقلبي بيحلم حبيبتي يراضيكي

ويلقى الحنان

بحبك وهرسم كيانك أميره

وعيني في عيونك هتفضل أسيره

حبيبتي هقولك حاجا أخيره

بحبك كمان

ع الشط

أولاً : دا عمل مشترك كان بيني وبين

Dr\Dodi

ع الشط كانو عصفورين بيرفرفوا
م الحُب كان النبض فيهم
لحن صافي
مليون كمانجه بتعزفو
عاشوا في مودة
وعشق دايماً مهما غابوا
للقمر وقت السهر
لما كانت النجوم بتبص ليه
زيهم هما تمام
لما كانوا طول ليلتهم سهرانين
وبعشقهم ـ غابو ليلتهم ـ يهتفوا

ع الشط رسموا حلم كان منهم جميل
لما كانت الطيور ـ فرحانة ترقص في السما
وقت الغروب ،، بتغني هي م الفرح
حتى فـ شروق الشمس ـ وفـ وقت الأصيل
قالتلو أوعدني حبيبي تكون قريب
والعشق بينا يكون غرام أجمل هوى
انا قلبي من حُبك حبيبي كان عليل
والغرام اللي في عنيك هو الدوا
إوعدني دايماً يا حبيبي تكون معايا
جنب مني يا قلبي ـ لو طالو السنين
بالحب نرسم حلمنا
والعشق يجري في دمنا
ونكون حبيبي عصفورين
زي اللي كانوا في السما
طايرين سوا
إوعدني متغبش ثواني
ولا قلب فينا يكون أناني
أوعدني نفضل مشتاقين
انا قلبي من حُبك حبيبي انكوى


أوعدك اني اكون منك قريب
وشمس حُبي جوه مني
يستحيل فـ يوم تغيب
انا وعد مني اكون معاكي
في فرحتك
وفي بسمتك ـ وفي دمعتك
أغلى حبيب

حبيبتي قلبي لما طار من فرحته
إصطاده سهم نظرتك
إصطاده بسمة وضحكتك
اللي بترسم في القلوب أجمل كلام
بادئ بكلمة حُب ـ عشق ـ وإشتياق
أخر كلامه في سره كان ـ كلمة " غرام " ـ
انا قلبي من حُبك حبيبتي تِعب خلاص
باعت رسالته واللي كان أجمل ما فيها
بادئ بكلمه ـ حبيبتي ـ كانت من حروف
انتي ملاك ـ مُستحيل أبداً ـ في يوم عيني تشوف
حد يشبه في الملامح ـ والجمال
والنهاية حبيبتي كانت كلمتين
دايماً معاكي
ونهيت رسالتي بالسلام

[ = :: أنا العاشق :: = ]

أنا العاشق لدي النظرة
انا الدايب في دي الكلمة
أنا اللي اخترت نور قلبك
ينور ليا في الضلمه

أنا المجنون بداء حُبك
وبكتب من صدى روحي
ياريت تيجي ولا تروحي
وبعزف يوم أنا لحني
على حُبك
غنايا ليا او ليكي

وبحلف ليكي يا حُبي
بدوب فيكي
وهمسك دا ساكن فيا
في ثانيه لو بعيد عني
دي روحي تطوف حواليكي
بناديكي

بحلم أكون قصاد عينك
تشديني
بنظرة حلوه تسقيني
وتسقي قلبي العطشان
ندى حُبك ـ شذى وردك
وتيجي عنيا في عنيكي

هغني ليكي أغنية
يا روحي وقلبي وعنيا
تساوي إيه يوم الدُنيا
لو انتي ماتوحشينيش



هكون زي سمك خايف
وبره المايه مش عارف
يقول للدُنيا ايه يعني
غير الكلمه " مقدرش أعيش " ـ

كلامي بجد مش هين
دا قلبي بحُبك أتزين
وكل كلامي لو قولته
حبيبتي خلاص ما يوصفكيش

دا حتى كلامي عاندني
وقلمي في إيدي جمدني
ومهما قلت يوم فيكي
أنا عارف دا ميكفيش


حبيبتي قلبي أنا حاسك
وعارفك من زمان لامسك
بيحلم بيكي ومن شوقه
ينام وبيصحى على همسك



Only You

[ == :: أبنيلك :: == ]

أبنيلك فوق القمر قصر
يتحاكى بيه الناس
وأفرش طريقك ورد
حواليه شجر من ماس
وأدفع عُمري وحياتي
للحُب والإحساس

أبنيلك فوق القمر حُبي
واستنى أنا حُبك
يطُل على قلبي
ويقول ولو كلمة
تشفي حنين فيا
تقتل في خوف عايش
ودمعه في عنيا
تزيد لوع قلبي
وبشوق وحنيه
أكتب أنا كلمة
وأحفرها على قلبي
وإن غبتي يوم عني
حُبك يزيد بيا

أشتاق ولو نظرة
أو كلمه معسوله
ولا أشوف في يوم دمعه
أو ضحكه مقتوله
وارضى اعيش مسجون
ومشاعري مغلوله

بس يكون السجن
إني أزور قلبك
واحلف انا بحُبك
واكتب على نورك
وجمالك الساحر
عاشق أنا همسك
وهقولها م الآخر

حُبك على عيني
وروحي تفديكي
بحلم أكون جنبك
وأعيش أنا ليكي
مشتاق أنا حٌُضنك
ولمسة بإيديكي
روحك خلاص فيا
وروحي انا فيكي
لو يوم الزمن جرحك
فبإيدي هداويكي
وأحلف أكون دايماً
جنبك أواسيكي
معاكي لو روحتي
ولا خلاص جيتي

أنا قلبي كان حاسك
واتغنى بجمالك
حُبك بيحلالي
وحُبي بيحلالك
الحُب لو غنوه
فأنا قلبي غنالك
الحُب لو عِشره
فأنا قلبي أبقالك

حالف على قلبي
الحُب لو جاله
يفتحله وبسرعه
ويغني مواله
ويقول كلام مني
ويزيد بأفعاله



Only Me

[ == رُحماكِ بقلبي مولاتي == ]

يا من سجد لكِ الفؤاد وسلم

بأن الحُب إليه لا محالة آتي

يا من لجمالك فرح النهار تبسم

يا مُهجتي

يا لوعتي

يا كُل حياتي

يا صاحبة الخد الخمري

وبريق العين

وشعاعاً

يسكنُ طُرقاتي

سأقول كم بِتُ أحُبك

كم أعشق قلبك

يا جُزاءاً أصبح من ذاتي

دعيني أنسجُ أوتاراً من أعماقي

من أشواقي ـ ودعيني أُرتل أبياتي

سأقولُ حُبك يأسرني

تاره وأُخرى

يهُجرني

ويبوح لقلبي بنبضاتي

سأوي إلى قلبك يعصُمني

وينصُرني

على جرحٍ يسطرُ آهاتي

علت الأصوات لكِ طرباً

تصنعُ نغماً

يتغنى بأحلى الكلماتِ

فأبيدُ الحُزن على وجهي

ليس بسيفي

ليس برُمحي

بفرحٍ

يصرعُ عبراتي

قلبي الولهان لكِ عبداً

يصرخُ أمداً

رُحماكِ بقلبي مولاتي

رُحماكِ بقلبي مولاتي

[ = :: هصبر نفسي :: = ]

هصبر نفسي وانساكي
واعيش على كلمة في هواكي
وهشتقالك
وهفتكرك
لكن لابد أنساكي

كان لي قرار
اني اسيبك
ابعد واهجر
اكون اناني
وانكوي بجرحي انا
من كُل نار
بلقاها فــ بُعدك حبيبتي
في كل طلة للنهار
او حتى نسمة م الهوا
طايره وبتشق السما
هتموت بلهفه وإنتظار

او دمعة نازله من عيوني
على جرح جوه قلبي عايش
لازم في يوم أقتل ظنوني
اللي كانت جوا مني
عني ليكي
او حتى كلمة حب جاريه
في دمي انا
شقت طريقها فــ دوره للحياه
وأنا قلبي بينادي عليها
وهي بتعاند عليه
ورافضه حتى تروح اليه
تسمع نداه

ممكن اخمن هتقولي ايه
إن انا خونت
وكتير ظلمت
والحُب هان
انك يا عُمري كُنت لعبه
ومكنش حُب دا تسليه
واني خدعتك لما قولت
بحبك زمان
ونسيتي كل كلامي ليكي
ونسيتي شوقي ولهفتي
خوفي عليكي
وفاكرة بس لما سبتك
ناسيه اللي كان
اني صالحتك بعدها
وحلفت اني بعشقك
وكتبت فيكي بدموع عيوني
ودم قلبي
كل حاجا بحس بيها مني ليكي
وبعدها تيجي تقولي قلبي خان

عارفه حبيبتي انا خونت ليه
ودي صورة مرسومه في خيالك
اني حلمت بنفسي وحدي فـ طريق
من غير حبيب ـ من غير رفيق
وفـ سكتي ماشي بفكر
فجأة لقيتك في حُضن غيري
حسيت بصدمة وإنكسار
وبكيت بشده على حُب ضاع
على سهوه عيني بطلت تبكي عليكي
لما شوفت بسمة مرسومه في عنيكي
لما شوفت دبلته بتحضن إيديكي
لما شوفت رقته ـ ولهفته ـ لأ حُبه ليكي
يمكن دا حلم لكن حبيبتي دا كان حقيقه
عارفه دا مين ـ دا كان صديقي
ويوميها كان كلمني عنك
وحكالي عن شوقه لقلبك
فسألت نفسي اكون اناني
واختار حبيبتي اني اكون ليكي وخلاص
ولا اضحي بحُبي ليكي عشان صديقي
عشان اشوف البسمه دي من تاني فيكي

عارف انا فكرتي فيه
من زمان حُبك وكان بيبان عليه
لكن وفجأة جات ظروف
فرقت بينكم وكان حبيبتي
حُبه جوه منه فيكي
صعب يجي يوم ـ وفجأة تقتليه
صبرت نفسك بصورة منه كات انا
بعد دا عدت سنة
ولما شوفتي خبر رجوعه
حن قلبك حبيبتي ليه
هتقولي إيه
هنسى أكيد
صعب احبك من جديد
صعب مهما كات ظروفك
او كلامك
او حتى عُذرك
تشتاقي يوم لقلبي اللي حبك ـ تقبليه

[ :: = بين الأصل والصوره = :: ]

بين الأصل والصورة ــ هتعيش النفس مستورة

حاجات صاحية مبتنامشي ... وحاجات لساها مكسورة

حاجات جوانا تتعذب ــ حاجات جوانا تتألم

حاجات منها نشوف الناس ـــ دموع عينها بتتكلم

******

حاجات ياما بنكسبها ــ حاجات أكتر بنخسرها

حاجات ياما نلاقي ألوف ــ وناس ياما بتختارها

بتختارها عشان بكره ــ بتختارها لدي الفكره

بأن الأصل مش دايم ــ هيجي اليوم يكون ذكرى

*******

ليه نفضل نعيش نخدع ــ و نتباهى ومين يسمع

ليه الفرحة تملانا ــ وعيوبنا جوانا بتوجع

على ايه نفضل في دي الدُنيا ـ مسيرها يوم تكون فانيه

لو كان الأمر بإيديها ــ ما كنت عشت لو ثانية

[ :: = بحبك = :: ]

[ :: = بحبك = :: ]

بحبك في بُعدك
بحبك في قُربك
ولو حتى بينا
آلاف البلاد

بحبك في فرحك
بحبك في حُزنك
بحبك في صمتك
ووقت العِناد

بحبك في هجرك
وقلبي اللي حبك
بيكتب في حُبك
شهادة ميلاد

بحبك وقلبي
بيحلم بقلبك
ويحلف ـ وأحلف
برب العِباد

بحبك بخِفه
وقلبي بلهفه
بيتمنى لحظة
يزول البِعاد

بحبك ونفسي
اعيش عُمري جنبك
وتروي حنيني
وشوقي اللي زاد

قلبي وقلبك
وحُبي وحُبك
وروحي وروحك
ما بينهم معاد

****

عاشق عنيكي
ولمسة إيديكي
وهمسك بحُبي
ونظرة عِتاب

عاشق ملامحك
عاشق جمالك
وبيني وبينك
قصة في كتاب

مين ليا بعدك
قلبي اللي حبك
حالف ليقفل
مليون ألف باب

بحبك وعارف
بقلبي اللي خايف
يصحى يلاقيكي
وهم وسراب

بحبك بقلبي
ونار جوه قلبي
بتحرق في قلبي
في لحظة غياب

وقلبي يراضيني
بحُبك يا عيني
ويحلف بإنه
في عنيكي داب

بحبكـ ـ بحبكـ

[ :: = كان نفسي = :: ]

كان نفسي قلبي يعيش يموت
يحلم معاكي
كان نفسي عيني ـ تبكي في غيابك
تفرح تغني في يوم لُقاكي
كان نفسي أكون جنب منك
في كُل لحظة وكُل ثانية
ويدوب هوايا في ضحكتك
وفي بسمتك
ويغني من شوقه لهواكي

كان نفسي مهما العُمر طال
مش م المُحال
إني أكون جنبك حبيب
لأجل ما يموت الوصال
أو حتى مبتور الأمل
عايش معاكي في دُنيته
حتى لو باعه الزمن
عاشق حبيب
يفضل ينادي في غنوته
وفي ضحكته
وفي دمعته
انه هيفضل قلبه ملكك
مهما طال الإنتظار

كان نفسي أشوف حُبي ينور سكتك
جوه عيونك ـ عايش بيرسم ـ بسمتك
يمسح ويمنع دمعتك
يغرق ببحر الشوق
يفضل يدور تايه
على بر يلحق نفسه فيه
يتدارى فيه
من نظرتك

بس يا خسارة يا قلبي دا كان سراب
وصحيت انا من حلمي
ببكي بإنكسار
مش غلطتي ولا ذنبها
مش كُل حُب يا قلبي كان له نهاية
أو كان يا قلبي قصة مكتوبة في كتاب
أو حتى نار
بتزيد ألم ـ بتزيد مرار
ونلاقي فيها القلب عايش في العذاب
مش دا القرار

أنا عندي أموت ـ أحسن ما اشوف
الحُزن مالك قلبها
أو حتى أجبرها بحُبي
يعيش وينهش حلمها
ممكن تكون بتحب غيري
أو حتى مش لازمها حُبي
ممكن تخبي
عني احساسها اللي جارح قلبها

أنا ناوي أدوس بإرادتي
على جرحي
وانسى زماني وحُبها
واقتل في فرحي
واسيب دمعي اللي استخبا
سايل يغير من طباعي
من ملامحي
لازم يا قلبي يكون قراري
اما أموت ـ او اني ابعد عنها

[ = :: مقدرش أعيش :: = ]

بسم الله الرحمن الرحيم

حبيت يكون ليا بلوج أحاول أعرض فيه أي حاجا بكتبها ـ أو أحس انها ليها قيمة ـ شعر ـ أغنية ـ قصة ـ مقاله او غيره

المُهم يعني حبيت يكون أول حاجا ليا في البلوج دا ـ إهداء ـ خاص ـ بالكلمات دي لحد عزيز عليا قوي

ودا أول عمل ليا في البلوج وهبأى انشر حاجات قديمة ليا من أحسنهم يعني

بعدك حبيبتي خلاص أنا مقدرش أعيش
وإزاي أعيش في دُنيا
من غيرك حبيبتي
بتكون حياتي في كل لحظة بعيده عنك
متساويش
عايزاني أعيش ولا أموت
وأصرخ وأقول و بعلو صوت
أني على بُعدك حبيبتي
لا عُمري هقدر
وان جه الزمن يحلف عليا انساكي مره
انا احلف بربي
انا عُمري والله ما انسكيش

مقدرش أعيش
لو يوم أشوف دمعه في عنيكي
وأسألك ليه يا حبيبتي
بأيتي مسجونة في حُزنك
ولبسمه ليه على وشك انتي مترسميش

عارف انا الجرح جوه فيكي ساكن
مهما بدلتي الأماكن
او حتى كل الذكريات
متقوليش الحُب مات
وإن الآلام هتعيش معاكي وتواسيكي
وإن الدموع هتكون بحور
أمواجها عاليه من عنيكي
وإن الألم هيعيش معاكي
يقتل نسايم كل لحظة ليكي حلوه
وتكوني مجروحه بإيديكي
بتجني عليكي
من ضعف فيكي
او حتى وسواس م الزمن
دايماً ماليكي
أو صوت وكان أصله شبح
صوته اندبح
من كُتر ما بينده عليكي